चरिपतिया - गारता ओत्तहि खुट्टा

सबटा बात उचिते कहता, 

जूनि करू, मन खट्टा ।

मैथिल विज्ञ मित्र जौं चाही,

सम्हरि रहु, गारता ओत्तहि खुट्टा।

@संजय झा 'नागदह' 

चरिपतिया -असगर जिनगी

 

असगरक भाव असगरे

उसरगल सन जिनगी

सुन्न असोरा केहन लगैछई

तेहने असगर जिनगी !

@संजय झा 'नागदह'

चरिपतिया

चेतन अवस्था मे रहितहुँ

चेतनासँ दूर मनुक्ख

जीवन भरि अचेते

अवस्था मे रहैत अछि।

@संजय झा 'नागदह' 

02-Jan-2020

चारिपतिया - बुझि अप्पन आ हम्मर आन

बुझि अप्पन आ हम्मर आन 

छोड़ि रहल छल ढ़ाकीक - ढ़ाकी 

झुठक सरबत बाँटि रहल छल 

लाखों लोक लग पाँति - पाँति। 

संजय झा "नागदह"

दिनांक :01/12/2015

चरिपतिया

1.
करू ओकरा कात भाई 

बड्ड चलबैत अछि थोंथि 

भनें लिखलक ओ

नाम सँ तँ अछि हमरे पोथी ।

-----संजय झा "नागदह" 11/08/2015

****************************************

2. ककरा करू फज्झति 
ककरा सँ कलह बेसाहु
घुमि रहल अछि काल चक्र 
एहि मूढ़कें, किछु दिन आर बिसारु


------------संजय झा "नागदह" 08/07/2015

*************************************************3. अमावश्या राति सन मुंह हुनक 
द्वितिया चान सन दांत 
बाजब यदि सुनि लेलहुँ हुनकर
त' करिते रहि जायब बात 

-------------संजय झा "नागदह "   18/05/15
***************************************
4. सन - सन बहय बसात
उड़िया रहल अछि, चुनरी हुनकर
छौड़ा सब भेल बताह 
हुनका लेखे धनो धन सन

---------संजय झा "नागदह "  17/05/15
****************************************
5. उपटि गेल खड़हाउड़ 
नहि बांचल खरही
कुश उत्पाटनक विधि
की भS रहल घरही -घरही ?
-------- संजय झा " नागदह"

Date - 20/12/2015

*******************************************
6. देह निष्प्राण दिल्ली पड़ल अछि
प्राण त नागदहक गामे रहल अछि
इ गामक नेह देखाबी हम ककरा
निष्प्राण देहक मोले की रहैत अछि।

-------- संजय झा " नागदह"

Date - 14/12/2015

*************************************************
7. विद्यापति पर्व
सब टाङ्गि रहल हुनक छायाचित्र
हम कहु कोना इ बात विचित्र
कहता कS रहलहुं विद्यापति पर्व
नहि रहैत अछि कनिऒ सन्दर्भ।


----------संजय झा "नागदह"
Date - 07/12/2015

***********************************************
8. एक्का दुक्का मतलबी 
बाँकी के की भेटत ?
टीनक चश्मा पहिरा 
वोट अपन बटोरत। 

----- संजय झा "नागदह "
Date : 06/10/2015

****************************************

9. बुझि रहल नहि दाइ - माइ 
गली - गली घुमि रहल कसाई
ककरा कहबै के सुनत भाइ 
चहुँ दिस घेंटकट्टा अछि आइ। 

 

संजय झा "नागदह "

Date : 06/10/2015

****************************************************************
10.

सुरुये सँ परिवारवाद 

लगा देने अछि घुन 

कुकुर - बिलारिक चक्करमे

जनता बहा रहल अछि खून। 

संजय झा "नागदह "

Date : 06/10/2015

*****************************************
11.
मनवा में रहे उमंग सदा तोहरा के,
बनल रहे इहे देह - नेह तोहरा के, 
जब ले कपार पर रही हाथ माई के, 
केहू ना कुछ बिगाड़ सकी तोहरा के ।

संजय झा "नागदह" 19/08/2015


**********************************************