ओहिना नै होइत छैक

ओहिना नै होइत छैक 

अन्हरिया में इजोत करबाक लेल 

दिया में तेल आ बाती के 

संगे जरय पड़ैत छैक 

किछु पाबक लेल 

किछु त्याग करहे पड़ैत छैक

ओहिना नै होइत छैक

भारतो आज़ाद भेल 

कियो देखनहुँ हेताह

कियो सुनलो हेताह 

लोक एकजुटता लेल 

हल्ला करहे पड़ैत छैक 

किछु पावक लेल 

ओकरा पाछा परहे पड़ैत छैक 

ओहिना नै होइत छैक

देखने हेबैक प्रायः सब गोटा

भिखमंगो के खाली कटोरा में 

भीखो कियो नहि दैत छैक 

ओकरो पहिले कटोरा में 

किछु राखहे पड़ैत छैक 

मिथिला राज्यक बात के लेल 

अलख जगाबहे पड़त

सरकार के देखाबहे पड़त 

मंगला सँ नहि 

आई- काल्हि छीन्हे पड़ैत छैक 

ओहिना नै होइत छैक

संजय झा "नागदह"

Date - 20/07/2014